ಆರೋಗ್ಯವಂತ, ಸುರಕ್ಷಿತ ಭಾರತಕ್ಕಾಗಿ ಉಡುಪಿಯಲ್ಲಿ ನ.29ರಂದು ಶ್ರೀ ಧನ್ವಂತರಿ ಮಹಾಯಾಗ

ಸನಾತನ ಸಂಸ್ಥೆಯಿಂದ ಬೃಹತ್ ಧಾರ್ಮಿಕ ಕಾರ್ಯಕ್ರಮ ಆಯೋಜನೆ – 1000 ವರ್ಷಗಳ ಪರಂಪರೆಯೊಂದಿಗೆ ಸಾತ್ವಿಕ ಸೋಮಯಾಗದ ಜ್ಯೋತಿರ್ಲಿಂಗದ ಸಂಕಲ್ಪ

ಉಡುಪಿ: ಆರೋಗ್ಯವಂತ ಮತ್ತು ಸುರಕ್ಷಿತ ಭಾರತ ನಿರ್ಮಾಣದ ಸಂಕಲ್ಪದೊಂದಿಗೆ ಸನಾತನ ಸಂಸ್ಥೆಯ ವತಿಯಿಂದ ಉಡುಪಿಯಲ್ಲಿ ನವೆಂಬರ್ 29ರಂದು ಶ್ರೀ ಧನ್ವಂತರಿ ಮಹಾಯಾಗವನ್ನು ಆಯೋಜಿಸಲಾಗಿದೆ.

ಶ್ರೀಕೃಷ್ಣನ ನಾಡು ಉಡುಪಿಯಲ್ಲಿ ನಡೆಯಲಿರುವ ಈ ಧಾರ್ಮಿಕ ಕಾರ್ಯಕ್ರಮವು ಅಂದು ಮಧ್ಯಾಹ್ನ 3 ಗಂಟೆಯಿಂದ ಸಂಜೆ 7 ಗಂಟೆಯವರೆಗೆ ಉಡುಪಿ-ಮಣಿಪಾಲ ರಸ್ತೆಯ ಕುಂಜಿಬೆಟ್ಟುವಿನ ಎಂ.ಸಿ.ಎಂ. ಮೈದಾನದಲ್ಲಿ ನಡೆಯಲಿದೆ.

ಮಹಾಯಾಗದ ಪ್ರೇರಣಾಸ್ರೋತರಾಗಿ ಸನಾತನ ಸಂಸ್ಥೆಯ ಸಂಸ್ಥಾಪಕರಾದ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ್ ಆಠವಲೆ ಅವರ ಮಾರ್ಗದರ್ಶನವಿದೆ. ಅವರ ಮಾರ್ಗದರ್ಶನದಲ್ಲಿ ರಾಮನಾಥಿ ಆಶ್ರಮದಲ್ಲಿ 1300ಕ್ಕೂ ಹೆಚ್ಚು ಯಜ್ಞಯಾಗಾದಿಗಳು ನಡೆದಿವೆ ಎಂದು ಆಯೋಜಕರು ತಿಳಿಸಿದ್ದಾರೆ.

ವಂದನೀಯ ಉಸ್ತುವಾರಿ

ಮಹಾಯಾಗದ ವಂದನೀಯ ಉಸ್ತುವಾರಿಯಾಗಿ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಆಧ್ಯಾತ್ಮಿಕ ಉತ್ತರಾಧಿಕಾರಿಗಳು ಕಾರ್ಯನಿರ್ವಹಿಸಲಿದ್ದಾರೆ. ಕಾರ್ಯಕ್ರಮದಲ್ಲಿ ಶ್ರೀಮತಿ ಬಿಂದಾ ಸಿಂಗಬಾಳ ಹಾಗೂ ಶ್ರೀಮತಿ ಅಂಜಲಿ ಗಾಡಗೀಳ ಅವರು ಉಪಸ್ಥಿತರಿರಲಿದ್ದಾರೆ.

ಸುಮಾರು 1000 ವರ್ಷಗಳ ಹಿಂದಿನಿಂದಲೂ ಸಂರಕ್ಷಿಸಿಕೊಂಡು ಬಂದಿರುವ ಸಾತ್ವಿಕ ಸೋಮಯಾಗದ ಪರಂಪರೆಯನ್ನು ಮುಂದುವರಿಸುವ ಉದ್ದೇಶದಿಂದ ಈ ಮಹಾಯಾಗವನ್ನು ಆಯೋಜಿಸಲಾಗಿದೆ. ಇದರೊಂದಿಗೆ ಧಾರ್ಮಿಕ ಗ್ರಂಥ ಪ್ರದರ್ಶನ, ಸಾತ್ವಿಕ ಉತ್ಪನ್ನಗಳ ಮಾರಾಟ ಪ್ರದರ್ಶನ ಹಾಗೂ ಧರ್ಮಶಿಕ್ಷಣ ಪ್ರದರ್ಶನಗಳನ್ನು ಏರ್ಪಡಿಸಲಾಗಿದೆ.

ಯಾಗದ ಮಹತ್ವ ಮತ್ತು ಸನಾತನ ಧರ್ಮದ ಪರಂಪರೆಯನ್ನು ಜನರಿಗೆ ಪರಿಚಯಿಸುವುದು ಕಾರ್ಯಕ್ರಮದ ಪ್ರಮುಖ ಉದ್ದೇಶವಾಗಿದೆ. ಯಾಗದ ಸಂತತ ಫಲವನ್ನು ಎಲ್ಲ ಭಕ್ತಾದಿಗಳಿಗೆ ತಲುಪಿಸುವ ಆಶಯವನ್ನು ಆಯೋಜಕರು ವ್ಯಕ್ತಪಡಿಸಿದ್ದಾರೆ.

ನೋಂದಣಿ ಮತ್ತು ಹೆಚ್ಚಿನ ಮಾಹಿತಿಗಾಗಿ: 9342599299.

.