ಬೆಂಗಳೂರಿನ ಆಸ್ಟರ್ ಆರ್‌ವಿ ಆಸ್ಪತ್ರೆಯಿಂದ ಅಪರೂಪದ ಯಶಸ್ವಿ ಶಸ್ತ್ರಚಿಕಿತ್ಸೆ

ಕಾರ್ಟಜೆನ‌ ಸಿಂಡೋಮ್ ಎಂಬ ಅಪರೂಪದ ಕಾಯಿಲೆಯಿಂದ ಬಳಲುತ್ತಿರುವ 25 ವರ್ಷದ ಶಿವಮೊಗ್ಗದ ರೋಗಿಯೊಬ್ಬರಿಗೆ ಇತ್ತೀಚೆಗೆ ಬೆಂಗಳೂರಿನಲ್ಲಿರುವ ಆಸ್ಟರ್ ಆರ್‌ವಿ ಆಸ್ಪತ್ರೆಯಲ್ಲಿ ಶ್ವಾಸಕೋಶದ ಕಸಿ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿ ನಡೆಸಿದರು. 

ಇಲ್ಲಿ ಅಂಗಗಳು ದೇಹದ ವಿರುದ್ಧ ಬದಿಯಲ್ಲಿ ಬೆಳವಣಿಗೆಯಾಗುತ್ತವೆ. ಈ ಸ್ಥಿತಿಯು ಆಂತರಿಕ ಅಂಗಗಳ ದರ್ಪಣ ಪ್ರತಿಬಿಂಬ ಹಿಮ್ಮುಖವಾಗಲು ಕಾರಣವಾಗುತ್ತದೆ ಮತ್ತು 30,000 ಜನರಲ್ಲಿ ಒಬ್ಬರಿಗೆ ಸಂಭವಿಸುತ್ತದೆ ಎಂದು ಎಂದು ಕಿಮ್ಸ್ ಹೃದಯ ಮತ್ತು ಶ್ವಾಸಕೋಶದ ಕಸಿ ಸಂಸ್ಥೆಯಲ್ಲಿ ಥೋರಾಸಿಕ್ ಅಂಗ ಕಸಿ ಮತ್ತು ಸಹಾಯಕ ಸಾಧನಗಳ ಅಧ್ಯಕ್ಷ ಮತ್ತು ನಿರ್ದೇಶಕ ಡಾ. ಸಂದೀಪ್ ಅತ್ತಾವರ ತಿಳಿಸಿರುತ್ತಾರೆ.

ಪ್ರೈಮರಿ ಸಿಲಿಯರಿ ಡಿಕ್ಕಿನೇಸಿಯಾ ಅಥವಾ ಸಿಟಸ್ ಇನ್ವರ್ಸಸ್ ಟೊಟಾಲಿಸ್ ಎಂದೂ ಕರೆಯಲ್ಪಡುವ ಈ ರೋಗಕ್ಕೆ ತುತ್ತಾದ ರೋಗಿಗಳು ಹುಟ್ಟಿನಿಂದಲೇ ಉಸಿರಾಟದ ಸಮಸ್ಯೆ ಮತ್ತು ಪದೇ ಪದೇ ಶ್ವಾಸನಾಳದ ಸೋಂಕುಗಳನ್ನು ಅನುಭವಿಸುತ್ತಾರೆ. ಅಲ್ಲದೆ ವರ್ಷಪೂರ್ತಿ ಮೂಗು ಕಟ್ಟುವಿಕೆ ಮತ್ತು ದೀರ್ಘಕಾಲದ ಕೆಮ್ಮನ್ನು ಹೊಂದಿರುತ್ತಾರೆ.

ಶಿವಮೊಗ್ಗದಿಂದ ಬಂದ ಆ ರೋಗಿಯ ಎರಡೂ ಶ್ವಾಸಕೋಶಗಳಲ್ಲಿ ಬ್ರಾಂಕಿಯೆಕ್ನಾಸಿಸ್ ಅನ್ನು ಹೊಂದಿದ್ದರು, ಇದು ಎಡ ಶ್ವಾಸಕೋಶದ ಸಂಪೂರ್ಣ ಹಾನಿಯೊಂದಿಗೆ ಬಲಕ್ಕಿಂತ ಎಡಕ್ಕೆ ಹೆಚ್ಚು ಪರಿಣಾಮ ಬೀರಿತು. ಇದು ಅವರ ಬಲ ಹೃದಯದ ಮೇಲೆ ಹೆಚ್ಚಿನ ಒತ್ತಡ ಉಂಟುಮಾಡಿತು. ಶ್ವಾಸಕೋಶದ ಕಸಿ ಶಸ್ತ್ರಚಿಕಿತ್ಸೆಯು ರೋಗಿಗೆ ಜೀವ ಉಳಿಸುವ ಭರವಸೆಯ ಏಕೈಕ ಆಯ್ಕೆಯಾಗಿತ್ತು. ಇವರಿಗೆ ದಾನಿಗಳ ಶ್ವಾಸಕೋಶದ ಅಂಗಾಂಗ ಕಸಿ ಪಟ್ಟಿಯಲ್ಲಿ ನೋಂದಾಯಿಸಿದ ಮರುದಿನವೇ ದಾನಿಗಳ ಶ್ವಾಸಕೋಶದ ಉತ್ತಮ ಹೊಂದಾಣಿಕೆಯನ್ನು 

8 ಗಂಟೆಗಳ ಕಾಲ ಶಸ್ತ್ರಚಿಕಿತ್ಸೆ ನಡೆಸಿ ರೋಗಿಯು  ಕೇವಲ 3 ದಿನಗಳಲ್ಲಿ ಚೇತರಿಸಿಕೊಂಡರು.

"ಈ ಕಾಯಿಲೆಯಿರುವ ಜನರು ಹೆಚ್ಚಾಗಿ ಸಾಮಾನ್ಯ ಜೀವನ ನಡೆಸಲು ಸಮರ್ಥರಾಗಿದ್ದರೂ, ಶ್ವಾಸಕೋಶದ ಸಮಸ್ಯೆ ಹೊಂದಿರುವವರು ಶ್ವಾಸನಾಳಗಳಿಂದ ದ್ರವ ಮತ್ತು ಲೋಳೆಯನ್ನು ಪರಿಣಾಮಕಾರಿಯಾಗಿ ತೆರವುಗೊಳಿಸಲು ಸಾಧ್ಯವಾಗುವುದಿಲ್ಲ. ಇದು ಬ್ಯಾಕ್ಟಿರಿಯಾವನ್ನು ನಿರ್ಮಿಸಲು ಮತ್ತು ಶೇಖರಣೆಗೆ ಕಾರಣವಾಗುತ್ತದೆ ಮತ್ತು ಸೋಂಕು ಹೆಚ್ಚಾಗುವಂತೆ ಮಾಡುತ್ತದೆ. ಪುನರಾವರ್ತಿತ ಸೋಂಕುಗಳು ಜೀವನದ ಕಳಪೆ ಗುಣಮಟ್ಟ, ಕಡಿಮೆ ಹಸಿವು, ತೂಕ ಕಳೆದುಕೊಳ್ಳುವಿಕೆ ಮತ್ತು ಪದೇಪದೇ ಆಸ್ಪತ್ರೆಗೆ ದಾಖಲಾಗುವಂತೆ ಮಾಡುತ್ತದೆ. ಇದರಿಂದ ಸ್ನಾಯು ದೌರ್ಬಲ್ಯ, ಖಿನ್ನತೆಯಂತಹ ಬಹು ರೋಗಗಳು ಅಭಿವೃದ್ಧಿಗೊಳ್ಳುತ್ತವೆ. 

ಈ ಅಸ್ವಸ್ಥತೆಯ ಆರಂಭಿಕ ಪತ್ತೆಯು ಅಂತಹ ರೋಗಿಗಳಿಗೆ ತಮ್ಮ ಶ್ವಾಸಕೋಶದ ಕಾರ್ಯವನ್ನು ಕಾಪಾಡಿಕೊಳ್ಳಲು ಕ್ರಮಗಳನ್ನು ತೆಗೆದುಕೊಳ್ಳಲು ಸಹಾಯ ಮಾಡುತ್ತದೆ. ಆದರೂ, ಕೆಲವು ಸಂದರ್ಭಗಳಲ್ಲಿ ಇದು ಸಂಕೀರ್ಣವಾದ ಅಸ್ವಸ್ಥತೆಯಾಗಿದೆ ಮತ್ತು ಇದು ಹದಗೆಡಬಹುದು ಮತ್ತು ಜೀವಕ್ಕೆ ಅಪಾಯವನ್ನುಂಟುಮಾಡುತ್ತದೆ. ಅಂತಹ ಸಂದರ್ಭಗಳಲ್ಲಿ ಶ್ವಾಸಕೋಶದ ಕಸಿ ಮಾತ್ರ ಆಶಾಕಿರಣವಾಗಿರಬಹುದು,'' ಎಂದು ಆಸ್ಟರ್‌ ಆರ್‌ವಿ ಆಸ್ಪತ್ರೆಯ ಇಂಟರ್‌ವೆನ್ದನಲ್ ಪಲ್ಮನಾಲಜಿ ಮತ್ತು ಶ್ವಾಸಕೋಶ ಕಸಿ ವಿಭಾಗದ ಮುಖ್ಯ ತಜ್ಞ ಡಾ. ಪವನ್ ಯಾದವ್ ಹೇಳಿದರು.

“ನನ್ನ ಜೀವನದುದ್ದಕ್ಕೂ ನಾನು ಅನೇಕ ತೊಂದರೆಗಳನ್ನು ಹೊಂದಿದ್ದರಿಂದ ಮತ್ತು ಉಸಿರಾಟದ ಸಮಸ್ಯೆಯಿದ್ದುದರಿಂದ ಈ ಅಸ್ವಸ್ಥತೆಯೊಂದಿಗೆ ಬದುಕುವುದು ಕಷ್ಟಕರವಾಗಿದೆ. ನನಗೆ ತೂಕ ಹೆಚ್ಚಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಕ್ರೀಡೆ ಅಥವಾ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಆಗುತ್ತಿರಲಿಲ್ಲ ಈ ಚಿಕಿತ್ಸೆಯಿಂದ ನನಗೆ ಹೊಸ ಜೀವನಕ್ಕೆ ಅವಕಾಶ ನೀಡಿದ ವೈದ್ಯರು ಮತ್ತು ದಾನಿಗಳ ಕುಟುಂಬಕ್ಕೆ ನಾನು ಆಭಾರಿಯಾಗಿದ್ದೇನೆ. ಎಂದು ರೋಗಿ ಶಿವಂ ಹೇಳಿದರು.

ಶ್ವಾಸಕೋಶದ ಕಸಿ ಶಸ್ತ್ರಚಿಕಿತ್ಸೆಯನ್ನು ಸಾಮಾನ್ಯವಾಗಿ ಮೃತ ಅಂಗದಾನದ ಮೂಲಕ ನಡೆಸಲಾಗುತ್ತದೆ. 

ಇದರ ಅಗತ್ಯತೆಯ ಬಗ್ಗೆ ಶ್ವಾಸಕೋಶದಲ್ಲಿ ಅಂಗದಾನದ ಬಗ್ಗೆ ಜಾಗೃತಿ ಮುಡಿಸಬೇಕಾಗಿದೆ, ಅದರ ಕುರಿತಾದ ಹೆಚ್ಚಿನ ಅರಿವು, ಅಂತರವನ್ನು ಕಡಿಮೆ ಮಾಡಲು ರೋಗಿಗಳಿಗೆ ಸಹಾಯ ಮಾಡುತ್ತದೆ. ಇದು ಸಂಕೀರ್ಣವಾದ ಶಸ್ತ್ರಚಿಕಿತ್ಸೆಯಾಗಿದ್ದು ವಿಶೇಷ ತಾಂತ್ರಿಕ ಜ್ಞಾನ ಮತ್ತು ತರಬೇತಿಯ ಅಗತ್ಯವಿರುವುದರಿಂದ ಭಾರತದಲ್ಲಿ ಕೆಲವೇ  ಕೆಲವು ಸೌಲಭ್ಯಗಳು ಈ ವಿಧಾನವನ್ನು ಒದಗಿಸುತ್ತವೆ. ಎಂದು ವೈದ್ಯರು ತಿಳಿಸಿರುತ್ತಾರೆ.